ທ່ານ ເລຂາທິການໃຫຍ່ ສີຈິ້ນຜິງ ຕອບຄືນຈົດໝາຍຂອງລູກຫຼານຜູ້ສາບານຕໍ່ໜ້າສີລາຈາລຶກຄວາມສາມັກຄີຊົນເຜົ່າ ຜູເອີ

ນະຄອນຜູເອີແຂວງຢຸນນານ ມີ 26 ຊົນເຜົ່າ ເຊັ່ນ: ເຜົ່າຮັ້ນນ, ເຜົ່າຮານີ, ເຜົ່າຢີ, ເຜົ່າລາຫູ, ເຜົ່າວາ, ເຜົ່າລື້ ແລະ ອື່ນໆ ດໍາລົງຊີວິດຮ່ວມກັນຢູ່ແຫ່ງນີ້, ໃນວັນຂຶ້ນປີໃໝ່ປີ 1951, ປະຊາຊົນບັນດາເຜົ່າຂອງນະຄອນຜູເອີໄດ້ຈັດຕັ້ງພິທີສາບານ, ແລະ ສ້າງຕັ້ງສີລາຈາລຶກແຫ່ງຄໍາສາບານຕາມຮີດຄອງປະເພນີຂອງປະຊາຊົນເຜົ່າສ່ວນໜ້ອຍ, ໂດຍສາບານວ່າ: “ຈິດໜຶ່ງໃຈດຽວກັນ, ມີສາມັກຄີກັນທີ່ສຸດ, ພາຍໃຕ້ການນຳພາຂອງພັກກອມມູນິດຈີນ, ພວກຂ້າພະເຈົ້າໄດ້ປະຕິຍານວ່າຈະພະຍາຍາມສ້າງຄອບຄົວໃຫຍ່ທີ່ມີຄວາມສະເໝີພາບ, ເສລີພາບ ແລະ ຄວາມຜາສຸກ!” 48 ຄົນຕາງໜ້າໃຫ້ບັນດາເຜົ່າ ໄດ້ລົງນາມໃນສີລາຈາລຶກ.

ມໍ່ໆມານີ້, ລູກຫຼານຂອງຜູ້ສາບານຕໍ່ໜ້າສີລາຈາລຶກຄວາມສາມັກຄີຊົນເຜົ່ານະຄອນຜູເອີແຂວງຢຸນນານໄດ້ສົ່ງຈົດໝາຍເຖິງ ທ່ານ  ເລຂາທິການໃຫຍ່ ສີຈິ້ນຜິງ ເພື່ອລາຍງານສະພາບຊີວິດການເປັນຢູ່ທີ່ດີງາມຂອງປະຊາຊົນບັນດາເຜົ່າໃນທ້ອງຖິ່ນໂດຍພາຍໃຕ້ການນຳພາຂອງພັກ, ພ້ອມທັງສະແດງຄວາມຕັດສິນໃຈທີ່ຈະຈົດຈຳຄຳສາບານຢ່າງໜັກແໜ້ນພ້ອມເດີນຕາມພັກ, ປະກອບສ່ວນເຂົ້າໃນພາລະກິດຄວາມສາມັກຄີລະຫວ່າງຊົນເຜົ່າ, ການພັດທະນາ ແລະ ຄວາມຈະເລີນຮຸ່ງເຮືອງຂອງເຂດຊາຍແດນ. ວັນທີ 24 ກັນຍານີ້, ທ່ານ ເລຂາທິການໃຫຍ່ ສີຈິ້ນຜິງ ຕອບຄືນຈົດໝາຍລູກຫຼານຂອງຜູ້ສາບານຕໍ່ໜ້າສີລາຈາກລຶກຄວາມສາມັກຄີຊົນເຜົ່າ ຜູເອີ, ໂດຍໄດ້ໃຫ້ກຳລັງໃຈພວກເຂົາຢ່າງສະໜິດສະໜົມ ແລະ ຝາກຄວາມຫວັງອັນແຮງກ້າໄວ້ນຳເຂົາເຈົ້າ.