ແຂວງຢຸນນານອອກແຮງສູ້ຊົນເສີມສ້າງອຸດສາຫະກໍາການຢາຊີວະພາບຂຶ້ນສູ່ລະດັບໃໝ່

ໃນຖານະເປັນອຸດສາຫະກໍາໃໝ່ ກ່ຽວກັບຍຸດທະສາດລະດັບ 100 ຕື້ທີ່ສໍາຄັນຂອງແຂວງຢຸນນານ, ຂະໜາດຂອງອຸດສາຫະກໍາການຢາຊີວະພາບແຂວງຢຸນນານ​ໄດ້ຮັບການ​ຂະຫຍາຍຕົວຢ່າງຕໍ່ເນື່ອງ. ໂດຍຜ່ານຄວາມພະຍາຍາມຢ່າງບໍ່ຢຸດຢັ້ງເປັນເວລາຫຼາຍປີ, ລາຍຮັບຂອງອຸດສາຫະກຳການຢາຊີວະພາບແຂວງຢຸນນານ​ໄດ້ເພີ່ມຂຶ້ນຈາກ 124,1 ຕື້ຢວນ​ ໃນປີ 2015 ມາເປັນ 311,7 ຕື້ຢວນ​ ໃນປີ 2023.

ມາຮອດປີ 2023, ຢູ່ແຂວງຢຸນນານ ມີວິສາຫະກິດຜະລິດຢາ 246 ແຫ່ງ, ກວມເອົາ 2,9%ຂອງຈຳນວນວິສາຫະກິດຜະລິດຢາໃນທົ່ວປະເທດ; ມີຢາ 4169 ປະເພດ, ກວມເອົາ 2,7% ຂອງຈຳນວນປະເພດຢາໃນທົ່ວປະເທດ. ປີ 2023, ​ໃນທົ່ວແຂວງມີວິສາຫະກິດອຸດສາຫະກຳການຢາຂະໜາດໃຫຍ່ 180 ແຫ່ງ. ລາຍຮັບການດໍາເນີນທຸລະກິດຂອງອຸດສາຫະກຳການຢາໃນທົ່ວແຂວງມີ 38,03 ຕື້ຢວນ, ກວມເອົາ 1,5% ຂອງລາຍຮັບການຜະລິດຢາໃນທົົ່ວປະເທດ.

ແຂວງຢຸນນານໄດ້ກາຍເປັນຖານການສະໜອງວັດສະດຸຢາສະໝຸນໄພຈີນທີ່ໃຫຍ່ທີ່ສຸດໃນປະເທດຈີນ, ໄດ້ສ້າງຕັ້ງລະບົບການຜະລິດຢາທີ່ມີຢາສະໝຸນໄພຈີນບູຮານເປັນຫຼັກແຫຼ່ງ ແລະ ຢາພື້ນນເມືອງທີ່ມີເອກະລັກສະເພາະຂອງຊົນເຜົ່າ ໄປຈົນຮອດ ວັກຊີນ.

ແຫຼ່ງຂ່າວ: ໜັງສືພິມລາຍວັນຢຸນນານ ນັກຂ່າວ: Hu Xiaorong