ຊືຮາຊືຮາ ເຜັດແທ້ເຜັດວ່າ! ຈັບຄູ່ກັບເຂົ້າ, ລຸຍເລີຍ!
ແຂວງຢຸນນານ, ແຂວງເສສວນ, ແລະ ນະຄອນຈົງກິ່ງມີຕົ້ນກຳເນີດທາງປະຫວັດສາດ ແລະ ວັດທະນະທຳທີ່ເລິກເຊິ່ງແໜ້ນແຟ້ນກັນ, ມີຄວາມຄ້າຍຄືກັນຫຼາຍຢ່າງ, ພວກເຂົາຮູ້ຈັກກັນດ້ວຍສັນຍະລັກທີ່ພິເສດຂອງ "ຕ່ອມຮັບລົດຊາດ", ຄອຍເບິ່ງແຍງກັນແລະກັນ ແລະ ເດີນຈັບມືໄປພ້ອມກັນ, ຖ້າມີລົດຊາດຖືກເລືອກໃຫ້ເປັນຕົວແທນຂອງແຂວງຢຸນນານ, ເສສວນ, ແລະ ຈົງກິ່ງ, ມັນຕ້ອງແມ່ນ-ເຜັດ!
ເມື່ອເວົ້າເຖິງອາຫານເຜັດແຂວງເສສວນ, ຫົວກະຕ່າຍເຜັດແມ່ນສຸດຍອດເລີຍ. ມີຕົ້ນກໍາເນີດຈາກເຂດຊວງຫຼີວນະຄອນເສີງຕູ່ແຂວງເສສວນ, ເປັນໜຶ່ງໃນອາຫານຫວ່າງທີ່ມີຊື່ສຽງຂອງນະຄອນເສີງຕູ່ແຂວງເສສວນ.
ຮ້ອນແຮງພໍໆກັນກໍຕ້ອງບອກວ່າເມືອງແຫ່ງຫມໍ້ຊີ້ນຈຸ່ມ - ຈົງກິ່ງ! ຍ່າງຢູ່ຕາມຖະໜົນຫົນທາງຂອງນະຄອນຈົງກິ່ງ, ເຈົ້າສາມາດຫຼົງດ້ວຍກິ່ນຫອມຂອງໝໍ້ໍຊີ້ນຈຸ່ມທີ່ປິວອອກມາຈາກຮ້ານອາຫານໝໍ້ຊີ້ນຈຸ່ມແຄມທາງໃນທຸກເວລາ, ສົ່ງກິ່ນຫອມຫວນໂຊຍມາຈາກກົ້ນໝໍ້ຕົ້ມ, ນີ້ແມ່ນຕົວເມືອງໜຶ່ງທີ່ຖືກ “ຕົ້ມດ້ວຍລົດຊາດ” ຂອງໝໍ້ຊີ້ນຈຸ່ມ.
ເມື່ອອ້າຍນ້ອງທີ່ດີສອງຄົນສະເໜີ ຫົວກະຕ່າຍເຜັດ ແລະ ໝໍ້ຊີິ້ນຈຸ່ມຈົງກິ່ງນັ້ນ, ແຂວງຢຸນນານຕ້ອງຈັດໃຫ້ “ອາຫານເຍື່ອງສຸດຍອດຢູ່ພາກກາງຢຸນນານ” -ໄກ່ເຜັດຈ່ານຢີ້ ອອກມາ. ຢູ່ແຂວງຢຸນນານມີຄຳເວົ້າວ່າ “ຖ້າບໍ່ກິນໄກ່ເຜັດ, ຖືວ່າບໍ່ເຄີຍມາເຖິງຢຸນນານ”. ໃນຖານະເປັນໜຶ່ງໃນອາຫານຕົວແທນຂອງອາຫານແຂວງຢຸນນານ, ໄກ່ເຜັດຈ່ານຢີ້ມີປະຫວັດສາດອັນຍາວນານຮ້ອຍກວ່າປີແລ້ວ, ຄົນທີ່ໄປເຖິງເມືອງຈ່ານຢີ, ຈະຕ້ອງຊິມໄກ່ເຜັດອັນແທ້ຈິງຂອງເຂດທ້ອງຖິ່ນແນ່ນອນ.