[ລາຍການພາສາມື] ໜາກໄມ້ຢູ່ຕາມຖະໜົນໄປໃສແລ້ວ?

ຢູ່ນະຄອນໝາງຊື (Mangshi) ກິ່ງແຂວງປົກຄອງຕົນເອງເຜົ່າລື້ ເຜົ່າຈິງໂພ ເຕີຫົງ (Dehong) ແຂວງຢຸນນານ (Yunnan), ເທິງຖະໜົນທີ່ສະອາດກ້ວາງຂວາງ, ໄດ້ເຊື່ອງຂອງຂວັນໜຶ່ງທີ່ອົບອຸ່ນອ່ອນໂຍນຈາກເມືອງແຫ່ງນີ້ໄວ້ຢູ່. ຕົ້ນໄມ້ແຄມຖະໜົນຢູ່ນີ້, ບໍ່ພຽງແຕ່ປະດັບເມືອງໃຫ້ງົດງາມຕາມສີ່ລະດູການທີ່ປ່ຽນແປງ, ຍັງໄດ້ມອບຂອງຂວັນອັນຫອມຫວານໜຶ່ງໃຫ້ແກ່ຊາວເມືອງ ແລະ ນັກທ່ອງທ່ຽວແບບບໍ່ເສຍຄ່າໃຊ້ຈ່າຍອີກດ້ວຍ.

ລະດູຮ້ອນໃກ້ມາຮອດແລ້ວ, ຕົ້ນໄມ້ແຄມທາງໃນ ນະຄອນໝາງຊື ກໍມີໝາກໄມ້ເຂດຮ້ອນຫ້ອຍຢູ່ເຕັມ ເຊັ່ນ: ໝາກມ່ວງ, ໝາກມີ້, ໝາກລຳໄຍ ແລະ ອື່ນໆ, ຊຶ່ງແຕກຕ່າງກັບໝາກໄມ້ທີ່ປູກໃນສວນ ເມື່ອສຸກແລ້ວກໍຖືກເກັບ, ທັງຜ່ານຂອດຕ່າງໆ ເຊັ່ນ: ການຄັດແຍກ, ບັນຈຸ, ຂົນສົ່ງ ແລະ ອື່ນໆ ແລ້ວເຂົ້າສູ່ຕະຫຼາດໝາກໄມ້, ໝາກໄມ້ເທິງຕົ້ນໄມ້ແຄມຖະໜົນນະຄອນໝາງຊື ຫຼັງຈາກທີ່ຖືກເກັບແລ້ວ ກໍຈະແບ່ງປັນຮ່ວມກັບຊາວເມືອງ ແລະ ນັກທ່ອງທ່ຽວໂດຍຜ່ານກິດຈະກຳອັນໜ້າສົນໃຈຕ່າງໆ.

ໃນມື້ທີ່ເກັບໝາກໄມ້, ນະຄອນໝາງຊື ໄດ້ຈັດກິດຈະກຳແຕ້ມຮູບ (ສະເກັດຮູບ) ຢູ່ມຸມຖະໜົນ. ຢູ່ສະຖານທີ່ຈັດກິດຈະກຳທີ່ກຳນົດ, ຜູ້ທີ່ຮັກການແຕ້ມຮູບເກືອບໜຶ່ງຮ້ອຍຄົນປະກົດໂຕຢູ່ສະຖານທີ່ຈັດງານແຕ້ມຮູບ, ແຕ້ມບັນຍາຍໝາກຜົນແຫ່ງຄວາມສີວິໄລໃນສາຍຕາຂອງພວກເຂົາ.

ໃນຕອນທີ່ເກັບ, ລົດຍົກແຕ່ລະຄັນກໍເລີ່ມເຮັດວຽກ, ໝາກໄມ້ຂອງຕົ້ນໄມ້ແຄມຖະໜົນທີ່ເກັບລົງມານັ້ນ, ໝາກໄມ້ບາງອັນທີ່ຫາກໍເກັບລົງມາ ກໍມອບໃຫ້ແກ່ຄົນຍ່າງຜ່ານເທິງຖະໜົນແບບຟຣີ, ບາງສ່ວນກໍບັນທຸກຂຶ້ນລົດຂົນສົ່ງ, ສ່ວນໜຶ່ງກໍສົ່ງໄປສູນພັກຂອງຜູ້ອາວຸໂສ, ອີກສ່ວນໜຶ່ງກໍສົ່ງໄປສະໜາມຂອງນະຄອນໝາງຊື, ເພື່ອເປັນລາງວັນໃນກິດຈະກຳໃນມື້ນັ້ນ.

ໃນສະໜາມຂອງນະຄອນໝາງຊື, ຫຼັງຈາກທີ່ການສະແດງບົດເພງ ແລະ ເຕັ້ນລຳຊົນເຜົ່າທີ່ມີສີສັນຈົບລົງ, ຊາວເມືອງ ແລະ ບັນດານັກທ່ອງທ່ຽວແຂ່ງກັນເຂົ້າຮ່ວມ ກິດຈະກຳຕ່າງໆ ເຊັ່ນ ການຖາມຕອບຄວາມຮູ້ ແລະ ຕອກບັດເກັບກາຈ້ຳ ເພື່ອແລກເອົາໝາກໄມ້ຫອມຫວານເຫຼົ່ານີ້ແບບບໍ່ເສຍຄ່າ. ໃນສະຖານທີ່ຈັດງານມີສຽງຕົບມື ແລະ ສຽງຮ້ອງເຊຍທີ່ຜັດປ່ຽນກັນຂຶ້ນລົງ, ຄຳຖາມກ່ຽວກັບຄວາມຮູ້ມີເນື້ອໃນກວມເອົາກົດລະບຽບຈາລະຈອນ, ຄວາມຮູ້ກ່ຽວກັບສຸຂະພາບ ແລະ ອື່ນໆ. ໃນເຂດທີ່ຕອກບັດເກັບກາຈ້ຳ, ທຸກຄົນໄດ້ທະຍອຍເຂົ້າຮ່ວມສຳຜັດປະສົບການແບບຈຳລອງປະເພດຕ່າງໆ ເຊັ່ນ ການຄັດແຍກຂີ້ເຫຍື້ອ, ມາລະຍາດໃນການເຂົ້າແຖວຕໍ່ຄິວ, ການເດີນທາງທີ່ຮັກສາສິ່ງແວດລ້ອມ ແລະ ອື່ນໆ. ທຸກໆຄັ້ງທີ່ສຳເລັດລາຍການໜຶ່ງ, ພວກເຂົາກໍສາມາດໄດ້ຮັບກາຈ້ຳອັນໜຶ່ງເທິງບັດສະສົມ, ທັງອາໄສຈຳນວນກາຈ້ຳທີ່ທີ່ກຳນົດແລກເອົາໝາກໄມ້. ໝາກໄມ້ແຄມຖະໜົນ 50 ກວ່າໂຕນກໍຖືກຜູ້ຄົນໄປຮັບເອົາຈົນກ້ຽງຢ່າງວ່ອງໄວ.