ການໄປເກັບເຫັດຢູ່ແຂວງຢຸນນານໄດ້ກາຍເປັນກະແສໃໝ່ຂອງການທ່ອງທ່ຽວຊ່ວງລະດູຮ້ອນປີນີ້

ຫວ່າງມໍ່ໆມານີ້, ການໄປເກັບເຫັດຢູ່ແຂວງຢຸນນານໄດ້ກາຍເປັນວິທີທ່ອງທ່ຽວໃໝ່, ນັກທ່ອງທ່ຽວຕ່າງເຂດນັບມື້ນັບຫຼາຍຂຶ້ນໄດ້ຈັດລາຍການເກັບເຫັດເປັນສິ່ງທີ່ຕ້ອງເຮັດໃນແຂວງຢຸນນານ ແລະ ສະໜຸກສະໜານໄປກັບການເກັບເຫັດ.

ຢຸນນານໄດ້ຖືກເອີ້ນວ່າ "ອານາຈັກແຫ່ງເຫັດປ່າ". ມີເຫັດປ່າທີ່ກິນໄດ້ຫຼາຍກວ່າ 2,500 ຊະນິດທີ່ຮູ້ຈັກຢູ່ໃນໂລກ, ແລະ ແຂວງຢຸນນານມີ 900 ກວ່າຊະນິດ.

ໃນໄລຍະພັກຜ່ອນລະດູຮ້ອນຂອງຈີນປີນີ້, ບໍລິສັດທ່ອງທ່ຽວຫຼາຍແຫ່ງຂອງແຂວງຢຸນນານ ໄດ້ເປີດຕົວຜະລິດຕະພັນການທ່ອງທ່ຽວ ແລະ ເສັ້ນທາງທີ່ກ່ຽວຂ້ອງເຖິງການເກັບເຫັດ.

ຊາວແຂວງຢຸນນານເຊື່ອວ່າເຫັດເປັນຂອງຂວັນຈາກພູເຂົາທີ່ມອບໃຫ້ແກ່ປະຊາຊົນ ແລະ ເປັນສັນຍະລັກຂອງລະບົບນິເວດທີ່ດີ. ໃນລະຫວ່າງຂະບວນການເກັບເຫັດ, ປະຊາຊົນທ້ອງຖິ່ນຈະນໍາທາງນັກທ່ອງທ່ຽວຢ່າງມີສະຕິ ເພື່ອປົກປັກຮັກສາລະບົບນິເວດ, ເພື່ອບັນລຸເປົ້າໝາຍການພັດທະນາແບບຍືນຍົງ.