ງານວາງສະແດງຊຸກຍູ້ຕ່ອງໂສ້ການສະໜອງສາກົນຈີນຄັ້ງທີ 2 ຈັດຂຶ້ນຢູ່ນະຄອນຫຼວງປັກກິ່ງ

ງານວາງສະແດງຊຸກຍູ້ຕ່ອງໂສ້ການສະໜອງສາກົນຈີນຄັ້ງທີ 2 ໄດ້ຈັດຂຶ້ນຢ່າງເປັນທາງການຢູ່ນະຄອນຫຼວງປັກກິ່ງໃນວັນທີ 26 ພະຈິກນີ້ ໂດຍໄດ້ຈັດໃຫ້ມີເຂດວາງສະແດງການບໍລິການຕ່ອງໂສ້ການສະໜອງ, ຕ່ອງໂສ້ວິທະຍາສາດເຕັກໂນໂລຊີດິຈິຕອນ, ຕ່ອງໂສ້ຊີວິດສຸຂະພາບ, ຕ່ອງໂສ້ກະສິກຳສີຂຽວ, ຕ່ອງໂສ້ລົດອັດສະລິຍະ, ຕ່ອງໂສ້ພະລັງງານສະອາດ ແລະ ຕ່ອງໂສ້ອຸດສາຫະກຳການຜະລິດທີ່ທັນສະໄໝ ທີ່ເປັນຂົງເຂດໃໝ່ໃນງານຄັ້ງນີ້.

ງານວາງສະແດງຄັ້ງນີ້ມີວິສາຫະກິດ ແລະ ອົງການຈັດຕັ້ງຕ່າງໆເຂົ້າຮ່ວມທັງໝົດ 620 ແຫ່ງ ເຊິ່ງໄດ້ເພີ່ມຂຶ້ນ 20% ເມື່ອທຽບໃສ່ຄັ້ງທຳອິດ, ວິສາຫະກິດຕ່າງປະເທດທີ່ເຂົ້າຮ່ວມງານວາງສະແດງໄດ້ເພີ່ມຈາກ 26% ໃນຄັ້ງທຳອິດຂຶ້ນເປັນ 32% ໃນຄັ້ງນີ້ ເຊິ່ງສະແດງໃຫ້ເຫັນຢ່າງເຕັມສ່ວນວ່າ: ປະຊາຄົມໂລກມີຄວາມຄອງຄອຍອັນຮີບດ່ວນຕໍ່ການຮ່ວມມືດ້ານຕ່ອງໂສ້ອຸດສາຫະກຳ ແລະ ຕ່ອງໂສ້ການສະໜອງ ພ້ອມທັງໄດ້ສະແດງໃຫ້ເຫັນວ່າ: ວິສາຫະກິດປະເທດຕ່າງໆມີຄວາມໝັ້ນໃຈຕໍ່ການພັດທະນາຂອງຈີນ ແລະ ຕໍ່ງານວາງສະແດງຊຸກຍູ້ຕ່ອງໂສ້ການສະໜອງສາກົນຈີນ.