ຈັດເວທີເປິກສາຫາລືການສື່ສານອັດສະລິຍະສາກົນຈີນ2024ຢູ່ນະຄອນອູຊີ່ແຂວງຈ່ຽງຊູ່ຈີນ

ວັນທີ 26 ກັນຍານີ້, ເວທີເປິກສາຫາລືການສື່ສານອັດສະລິຍະສາກົນຈີນ2024ພາຍໃຕ້ຫົວຂໍ້ “ມຸມມອງໃໝ່ກັບການພັດທະນາແບບອັດສະລິຍະ”ໂດຍແມ່ນວິທະຍຸໂທລະພາບສູນກາງຈີນຫຼືCMG ແລະ ອົງການປົກຄອງປະຊາຊົນແຂວງຈ່ຽງຊູ່ຈີນຮ່ວມກັນເປັນເຈົ້າພາບນັ້ນໄດ້ຈັດຂຶ້ນຢູ່ນະຄອນອູຊີ່ແຂວງຈ່ຽງຊູ. ທ່ານເຊີ້ນໄຫສົງ ຮອງຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ ຜູ້ອຳນວຍການໃຫຍ່CMG, ທ່ານສວີຄຸນຫຼິນ ຮອງເລຂາພັກແຂວງ ເຈົ້າແຂວງແຂວງຈ່ຽງຊູ່ໄດ້ເຂົ້າຮ່ວມເວທີເປິກສາຫາລືພ້ອມທັງຕາງໜ້າຝ່າຍເຈົ້າພາບປະກອບຄຳເຫັນ.

ຢູ່ສະຖານທີ່ຈັດເວທີເປິກສາຫາລື, ເວັບໄຊCCTV.com ຮ່ວມກັບອົງການປົກຄອງປະຊາຊົນນະຄອນອູຊີ່, ສະຖາບັນຄົ້ນຄວ້າວິທະຍາສາດເຕັກໂນໂລຊີຮູບເງົາຈີນໄດ້ລົງນາມໃນສັນຍາວ່າດ້ວຍການຮ່ວມມືດ້ານເຂດນິຄົມຖ່າຍທຳລະຄອນໂທລະພາບແລະຮູບເງົາ ກໍຄື ການສ້າງຕັ້ງໂຮງງານຜະລິດມະນຸດດິຈີຕອນ. ນອກນີ້, ຍັງມີພິທີເຊັນສັນຍາສຳລັບຫຼາຍໂຄງການອຸດສາຫະກຳວັດທະນະທຳນະຄອນອູຊີ່ນຳອີກ.

ເວທີເປິກສາຫາລືຄັ້ງນີ້ຍັງໄດ້ຈັດງານສົນທະນາໂຕະມົນ “ຊາວໜຸ່ມໂລກ” ແລະຍັງຈະຈັດເວທີເປິກສາຫາລືວັດທະນະທຳແລະການທ່ອງທ່ຽວດິຈີຕອນ, ການແລກປ່ຽນວັດທະນະທຳຕົວເມືອງ, ການຖ່າຍທອດສົດໄປທົ່ວໂລກໃນຫົວຂໍ້ “ແຮງດຶງດູດນະຄອນອູຊີ່ ເຂົ້າເຖິງທົ່ວໂລກ” ແລະກິດຈະກຳອື່ນໆ.