ພິມຈຳໜ່າຍປຶ້ມ “ຄັດເລືອກຄວາມເວົ້າຂອງທ່ານສີຈິ້ນຜິງກ່ຽວກັບວຽກງານແຫ່ງການສ້າງຜູ້ມີຄວາມຮູ້ຄວາມສາມາດ”

ຫວ່າງມໍ່ໆນີ້, ສຳນັກພິມເອກະສານສູນກາງຈີນໄດ້ພິມຈຳໜ່າຍປຶ້ມ “ຄັດເລືອກຄວາມເວົ້າຂອງທ່ານສີຈິ້ນຜິງກ່ຽວກັບວຽກງານແຫ່ງການສ້າງຜູ້ມີຄວາມຮູ້ຄວາມສາມາດ” ທີ່ຮຽບຮຽງໂດຍສະຖາບັນຄົ້ນຄວ້າປະຫວັດສາດພັກແລະເອກະສານຂອງສູນກາງພັກກອມມູນິດຈີນ, ແລະຈຳໜ່າຍຢູ່ທົ່ວປະເທດຈີນ.

ຄວາມເວົ້າອັນສຳຄັນຕ່າງໆຂອງທ່ານສີຈິ້ນຜິງ ກ່ຽວກັບວຽກງານແຫ່ງການສ້າງຜູ້ມີຄວາມຮູ້ຄວາມສາມາດ, ໄດ້ຕອບຄຳຖາມດ້ານທິດສະດີແລະພຶດຕິກຳອັນສຳຄັນຕ່າງໆ, ເຊັ່ນ: ການສ້າງປະເທດໃຫ້ມີຄວາມເຂັ້ມແຂງໃນດ້ານຜູ້ມີຄວາມຮູ້ຄວາມສາມາດແມ່ນເພື່ອຫຍັງ? ປະເທດເຂັ້ມແຂງໃນດ້ານຜູ້ມີຄວາມຮູ້ຄວາມສາມາດແມ່ນຫຍັງ? ຄວນສ້າງປະເທດໃຫ້ມີຄວາມເຂັ້ມແຂງໃນດ້ານຜູ້ມີຄວາມຮູ້ຄວາມສາມາດແນວໃດ, ນັ້ນແມ່ນມີຄວາມໝາຍສຳຄັນທີ່ສຸດສຳລັບການປະຕິບັດແນວຄິດໃໝ່ຍຸດທະສາດໃໝ່ແລະມາດຕະການໃໝ່ແຫ່ງວຽກງານສ້າງຜູ້ມີຄວາມຮູ້ຄວາມສາມາດໃນຍຸກໃໝ່ຢ່າງຮອບດ້ານ, ການລົງເລິກປະຕິບັດຍຸດທະສາດການສ້າງປະເທດໃຫ້ເຂັ້ມແຂງໃນດ້ານຜູ້ມີຄວາມຮູ້ຄວາມສາມາດ, ເລັ່ງລັດການສ້າງສູນກາງຜູ້ມີຄວາມຮູ້ຄວາມສາມາດແລະຈຸດສູງໃໝ່ດ້ານການປະດິດສ້າງທີ່ສຳຄັນຂອງໂລກ.