ក្រុមគ្រូពេទ្យវេជ្ជសាស្រ្តបុរាណចិនដែលជួយកម្ពុជាបានបើកកម្មវិធីពិនិត្យនិងព្យាបាលដោយឥតគិតថ្លៃនៅកន្លែងជាច្រើន
ថ្ងៃទី ១ខែកក្កដា ម៉ោងក្នុងតំបន់ ក្រុមទី២នៃក្រុមគ្រូពេទ្យវេជ្ជសាស្រ្តបុរាណចិនដែលជួយកម្ពុជា បានអញ្ជើញមកអគារតេជោសន្តិភាពក្នុងរាជធានីភ្នំពេញ ប្រទេសកម្ពុជា ដើម្បីធ្វើការពិនិត្យសុខភាពដោយគ្រូពេទ្យវេជ្ជសាស្រ្តបុរាណចិនដោយឥតគិតថ្លៃ ។ កម្មវិធីនេះមានគោលបំណងប្រើប្រាស់បច្ចេកវិទ្យាឱសថបុរាណចិនដើម្បីនាំមកនូវសុខភាពមាំមួនដល់ប្រជាជនក្នុងតំបន់ ជំរុញការផ្សព្វផ្សាយនិងផ្លាស់ប្តូរវប្បធម៌ឱសថបុរាណចិន ព្រមទាំងរឹតបន្តឹងចំណងមិត្តភាពរវាងប្រជាជនចិន និងកម្ពុជា។
កម្មវិធីពិនិត្យនិងព្យាបាលដោយឥតគិតថ្លៃលើកនេះ បានទទួលអ្នកជំងឺជាង ២០០នាក់ ចែកចាយឱសថបុរាណចិនដោយឥតគិតថ្លៃជាង ៦០០ឈុត និងចាក់ម្ជុលវិទ្យាសាស្ត្របានជាង ១២០ ដង។ បន្ទាប់ពីកម្មវិធីបានបញ្ចប់ សមាជិកក្រុមគ្រូពេទ្យវេជ្ជសាស្រ្ដបានលើកឡើងថា ថ្វីត្បិតតែរយៈពេលធ្វើការនេះជិតដល់ទីបញ្ចប់ ប៉ុន្តែកិច្ចសហប្រតិបត្តិការរវាងប្រទេសចិននិងប្រទេសកម្ពុជាក្នុងវិស័យវេជ្ជសាស្ត្រ និងសុខាភិបាលនឹងមិនបញ្ឈប់នោះទេ ក្រោមកិច្ចខិតខំប្រឹងប្រែងរួមគ្នារបស់ភាគីទាំងពីរ ឱសថបុរាណចិននឹងនាំមកនូវការអភិវឌ្ឍកាន់តែទូលំទូលាយនៅក្នុងប្រទេសកម្ពុជា ៕
អ្នកសារព័ត៌មាន៖ Yang Qiang
អ្នកបកប្រែ៖លីហ្សា