ប្រទេសចិនបានប្រកាសកំណែស្តង់ដារជាតិភាសាបរទេសចំនួន ១៩២៦
ថ្មីៗនេះ អ្នកកាសែតបានទទួលព័ត៌មានពីអាជ្ញាធរត្រួតពិនិត្យទីផ្សារ(គណៈកម្មាធិការស្តង់ដារជាតិ)ចិនថា គិតមកដល់បច្ចុប្បន្ននេះ ប្រទេសចិនបានបានប្រកាសកំណែស្តង់ដារជាតិភាសាបរទេសចំនួន ១៩២៦ ដែលគ្របដណ្តប់ចំនួន ៨ ភាសា និងគ្របដណ្តប់លើសេដ្ឋកិច្ចជាតិជាង ២០ ដូចជាផលិតផលកសិកម្ម ម្ហូបអាហារ ទំនិញប្រើប្រាស់ លោហធាតុ សម្ភារៈសំណង់ និងគ្រឿងម៉ាស៊ីនជាដើម។
តាមស្ថិតិ កំណែស្តង់ដារជាតិភាសាបរទេសសំដៅលើការបកប្រែស្តង់ដារជាតិចិនជាភាសាអង់គ្លេស ឬជាភាសាផ្សេងទៀត ដែលជាឯកសារបច្ចេកទេសដែលគាំទ្រដល់ការផ្លាស់ប្តូរ និងកិច្ចសហប្រតិបត្តិការអន្តរជាតិក្នុងផ្នែកវិទ្យាសាស្ត្រ បច្ចេកវិទ្យា និងពាណិជ្ជកម្មអន្តរជាតិ។ ការចងក្រងកំណែស្តង់ដារជាតិភាសាបរទេសគឺជាវិធានការដ៏សំខាន់មួយដើម្បីកែលម្អកម្រិតនៃស្តង់ដារនីយកម្មបើកចំហដល់ពិភពលោកខាងក្រៅ ជំរុញប្រទេសចិនអនុវត្តកិច្ចសហប្រតិបត្តិការស្តង់ដារអន្តរជាតិកាន់តែប្រសើរ និងរួមចំណែកដល់វិបុលភាពរួមសកល៕
អ្នកសារព័ត៌មាន៖ Lin Lili
អ្នកបកប្រែ៖ Shen Yan