គណៈកម្មាធិការយោធាមជ្ឈិមចិនប្រារព្ធពិធីដំឡើងឋានន្តរស័ក្តិឧត្តមសេនីយ៍ឯកលោក Xi Jinping ចែកលិខិតតែងតាំងនិងអបអរសាទរដល់មន្ត្រីយោធាដែលត្រូវបានដំឡើងឋានន្តរស័ក្តិ
ពិធីដំឡើងឋានន្តរស័ក្តិឧត្តមសេនីយ៍ឯកដែលរៀបចំដោយគណៈកម្មាធិការយោធាមជ្ឈិមចិនបានប្រារព្ធធ្វើនៅទីក្រុងប៉េកាំងកាលពីថ្ងៃទី២៣ខែធ្នូ ក្រោមអធិបតីភាពលោក Xi Jinping ប្រធានគណៈកម្មាធិការយោធាមជ្ឈិមចិន ។
លោក Zhang Youxia អនុប្រធានគណៈកម្មាធិការយោធាមជ្ឈិមចិនបានអានលិខិតដំឡើងឋានន្តរស័ក្តិឧត្តមសេនីយ៍ឯកដែលចុះហត្ថលេខាដោយលោក Xi Jinping ប្រធានគណៈកម្មធិការយោធាមជ្ឈិមចិន។ លោក He Weidong អនុប្រធានគណៈកម្មាធិការយោធាមជ្ឈិមចិនធ្វើជាអ្នកសម្របសម្រួលក្នុងពិធីដំឡើងឋានន្តរស័ក្តិ។
លោក Xi Jinping បានប្រគល់លិខិតតែងតាំងជូនលោក Chen Hui សមាជិកការិយាល័យនយោបាយនៃកងទ័ពជើងគោកដែលត្រូវបានដំឡើងឋានន្តរស័ក្តិជាឧត្តមសេនីយ៍ឯក ព្រមទាំងសម្តែងការអបអរសាទរ ។ លោក Chen Hui ដែលបានបំពាក់ឋានន្តរស័ក្តិឧត្តមសេនីយ៍ឯកបានសម្តែងការគោរពចំពោះលោក Xi Jinping និងតំណាងគ្រប់រូបដែលអញ្ជើញចូលរួមពិធី៕