លោក Xi Jinping ចុះត្រួតពិនិត្យកងទ័ពរំដោះប្រជាជនចិនប្រចាំនៅម៉ាកាវ
លោក Xi Jinping អគ្គលេខាធិការនៃគណៈកមា្មធិការមជ្ឈិមបក្សកុម្មុយនីស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិនដែលអញ្ជើញទៅចូលរួមមហាសន្និបាតអបអរសាទរខួប ២៥ ឆ្នាំ នៃការវិលត្រឡប់ចូលមាតុប្រទេសវិញរបស់ម៉ាកាវ បានចុះទៅត្រួតពិនិត្យការងារតាមកងទ័ពរំដោះប្រជាជនចិនប្រចាំនៅម៉ាកាវកាលពីថ្ងៃទី ២០ ខែធ្នូ ។ លោកបានតាងនាមមជ្ឈិមបក្ស និងមជ្ឈិមយោធាសួរសុខទុក្ខដ៏ស្មោះស្ម័គ្រចំពោះនាយទាហាននិងពលទាហានគ្រប់រូបនៃកងទ័ពប្រចាំនៅម៉ាកាវ ។ លោកបានគូសបញ្ជាក់ថា ត្រូវអនុវត្តទ្រឹស្តីកសាងយោធាឱ្យខ្លាំងក្លាក្នុងយុគសម័យថ្មីដោយស៊ីជម្រៅ អនុវត្តជាក់ស្តែងនូវគោលការយុទ្ធសាស្ត្រយោធាក្នុងយុគសម័យថ្មី បង្កើនការកសាងកម្លាំងទ័ពដោយគ្រប់ជ្រុងជ្រោយ លើកកម្ពស់សមត្ថភាពបង្ការនិងការពារជាតិដោយគ្រប់ជ្រុងជ្រោយ ដើរតួនាទីឫសគល់នៃការគាំពារសន្តិភាពជាតិ ដើម្បីរួមចំណែកកាន់តែធំក្នុងការបន្តចារទំព័រថ្មីនៃការអនុវត្ត "ប្រទេសមួយប្រព័ន្ធគ្រប់គ្រងពីរ" ប្រកបដោយលក្ខណៈពិសេសម៉ាកាវ។
ជាបន្ត លោក Xi Jinping បានសំណេះសំណាលយ៉ាងស្និតស្នាលជាមួយតំណាងនាយទាហាននិងពលទាហាន ព្រមទាំងថតរូបអនុស្សាវរីយ៍ជាមួយអ្នកទាំងអស់គ្នាផងដែរ៕