ບລັອກເກີຊາວອາຟຣິກາໃຕ້: ໂອກາດໃນການດຳລົງຊີວິດແບບຊ້າໆ

ຢູ່ແຂວງຢຸນນານ ມີຍິງສາວຄົນໜຶ່ງຊື່ວ່າ ລີສ໌ ມາຈາກອາຟຣິກາໃຕ້. 7  ປີກ່ອນ,  ນາງໄດ້ຍ້າຍມາຢູ່ນະຄອນຄຸນໝິງຍ້ອນການປ່ຽນແປງວຽກງານ, ແລະ ບໍ່ຄາດຄິດວ່າການພົບພໍ້ຄັ້ງນີ້ຈະເຮັດໃຫ້ນາງຕັ້ງຖິ່ນຖານຢູ່ທີ່ນີ້ຕະຫຼອດໄປ. ນາງເອີ້ນແຂວງຢຸນນານເປັນ "ເມືອງທີ່ດີທີ່ສຸດໃນໂລກ" ແລະ ໄດ້ໃຊ້ກ້ອງຖ່າຍຮູບເພື່ອເລົ່າເລື່ອງຄວາມງາມຂອງທີ່ນີ້ໃຫ້ໂລກໄດ້ຮູ້.

ເມື່ອມາຮອດຄຸນໝິງໃນເບື້ອງຕົ້ນ, ດ້ວຍສະພາບອາກາດທີ່ຄືກັບລະດູໃບໄມ້ປົ່ງຕະຫຼອດປີ, ຈັງຫວະຊີວິດທີ່ສະຫງົບ, ແລະ ວັດທະນະທໍາພື້ນເມືອງທີ່ຫຼາກຫຼາຍສີສັນ, ໄດ້ເຮັດໃຫ້ນາງລີສ໌ ຕົກຫລຸມຮັກຕັ້ງແຕ່ປະສົບພົບພໍ້ໃນເທື່ອທຳອິດ. ແຕ່ເດີມນາງເປັນພຽງແຕ່ແຂກຜ່ານທາງ, ແຕ່ນາງຕັດສິນໃຈທີ່ຈະຢູ່ຕໍ່, ແລະຢູ່ທີ່ນີ້ເປັນເວລາ 7 ປີ.

ຈາກນັກທ່ອງທ່ຽວຈົນເຖິງຜູ້ປະກອບການ, ຢຸນນານໄດ້ໃຫ້ແຮງບັນດານໃຈຢ່າງຕໍ່ເນື່ອງແກ່ ນາງ ລີສ໌. 2 ປີກ່ອນ, ນາງໄດ້ສ້າງຕັ້ງບໍລິສັດສື່ມວນຊົນວັດທະນະທໍາຂອງຕົນເອງຢູ່ນະຄອນຄຸນໝິງ, ໂດຍໃຊ້ກ້ອງຖ່າຍຮູບເພື່ອບັນທຶກອາຫານຕາມຖະໜົນ, ຮີດຄອງປະເພນີຂອງຊົນເຜົ່າ ແລະ ເລື່ອງລາວມະນຸດທີ່ອົບອຸ່ນ, ເຊິ່ງໄດ້ເປີດປ່ອງຢ້ຽມໃຫ້ແກ່ຊາວເນັດຕ່າງປະເທດໄດ້ຮຽນຮູ້ກ່ຽວກັບຢຸນນານທີ່ແທ້ຈິງ.

ເມື່ອເວົ້າເຖິງປະສົບການການປະກອບການ, ນາງ ລີສ໌ ໄດ້ໃຊ້ຄໍາວ່າ "ລຽບງ່າຍ" ເພື່ອອະທິບາຍ - ສະພາບແວດລ້ອມທາງທຸລະກິດໃນທ້ອງຖິ່ນໄດ້ເຮັດໃຫ້ນາງຮູ້ສຶກປະຫຼາດໃຈຫຼາຍ. ແລະ ການເປີດນໍາໃຊ້ທາງລົດໄຟລາວ-ຈີນ, ການຈັດຕັ້ງປະຕິບັດນະໂຍບາຍຍົກເວັ້ນວີຊາ 240 ຊົ່ວໂມງສໍາລັບຜູ້ຜ່ານແດນ, ຍິ່ງໄດ້ສະໜອງພື້ນທີ່ກວ້າງຂວາງໃຫ້ແກ່ການສ້າງສັນຂອງນາງ. ການເດີນທາງດ້ວຍລົດໄຟໄປສິບສອງປັນນາ ເພື່ອຖ່າຍທໍາ, ປັດຈຸບັນໄດ້ກາຍເປັນກິດຈະວັດປະຈໍາວັນ.

ພາຍໃຕ້ບັນຊີຕ່າງປະເທດຂອງນາງ ລີສ໌, ແຟນໆເຕັມໄປດ້ວຍຄວາມປາຖະໜາຕໍ່ນາຂັ້ນໄດ ແລະ ພູຫິມະໃນຢຸນນານ, ແລະ ມີຄວາມສຸກກັບງານບຸນຊົນເຜົ່າ, ໝໍ້ໄຟເຫັດປ່າ. ດັ່ງທີ່ນາງໄດ້ກ່າວໄວ້, ຊາວຕ່າງປະເທດຈໍານວນຫຼາຍຍັງຮູ້ຈັກຢຸນນານໜ້ອຍຫຼາຍ, ແຕ່ເມື່ອພວກເຂົາມາຮອດທີ່ນີ້, ເກືອບທຸກຄົນຈະຕົກຫລຸມຮັກທີ່ນີ້.

"ຈັງຫວະຊ້າ" ແລະ "ຄວາມຝັນ" ແມ່ນຊີວິດຢູ່ໃນຢຸນນານໃນສາຍຕາຂອງນາງ ລີສ໌, ສ່ວນ "ໂອກາດ" ແມ່ນຈຸດເລີ່ມຕົ້ນຂອງການປະກອບອາຊີບຂອງນາງ. ປັດຈຸບັນ, ຊາວຕ່າງປະເທດຈໍານວນຫຼາຍທີ່ຄືກັບນາງ,  ໄດ້ພົບເຫັນຊີວິດ ແລະ ອາຊີບຂອງຕົນເອງໃນດິນແດນທີ່ເປີດກວ້າງ ແລະ ມີຄວາມທົນທານແຫ່ງນີ້.